ISRO space station..
Contents
భారతీయ అంతరిక్ష కేంద్రం (BAS) మోడల్‌ను ఆవిష్కరించిన ఇస్రో
జాతీయ అంతరిక్ష దినోత్సవం సందర్భంగా, భారత అంతరిక్ష పరిశోధనా సంస్థ (ఇస్రో) అత్యంత ప్రతిష్ఠాత్మకమైన భారతీయ అంతరిక్ష కేంద్రం (Bharatiya Antariksh Station – BAS) మోడల్‌ను ప్రజలకు పరిచయం చేసింది. ఈ ప్రాజెక్ట్ రూపుదిద్దుకుంటే, స్వంత స్పేస్ స్టేషన్ కలిగిన కొద్ది దేశాలలో భారత్ ఒకటిగా నిలవనుంది.
భారతీయ అంతరిక్ష కేంద్రం అంటే ?
భారతీయ అంతరిక్ష కేంద్రం (BAS) పూర్తిగా భారతీయ సాంకేతికతతో నిర్మించబడే మొదటి స్పేస్ స్టేషన్. ఇది ఇంటర్నేషనల్ స్పేస్ స్టేషన్ (ISS) తరహాలో, భూమి చుట్టూ 400–450 కిలోమీటర్ల ఎత్తులో పరిభ్రమించనుంది.
ఇది కింది రంగాల్లో ప్రధాన కేంద్రంగా మారబోతోంది:
- శూన్య గురుత్వాకర్షణ పరిశోధనలు
- మెడిసిన్, బయాలజీ ప్రయోగాలు
- అంతరిక్ష సాంకేతిక అభివృద్ధి
- స్పేస్ టూరిజం మరియు అంతర్జాతీయ సహకారాలు
2028 – BAS-01 మాడ్యూల్ (సుమారు 10 టన్నుల బరువు) ప్రయోగం.
2035 – మొత్తం ఐదు మాడ్యూల్స్ కలిగిన పూర్తి స్థాయి స్పేస్ స్టేషన్.
ISRO space station..
BAS-01 ముఖ్య లక్షణాలు:
- విండో పోర్ట్స్ – భూమిని పరిశీలించడానికి
- భారత్ డాకింగ్ సిస్టమ్ మరియు బెర్తింగ్ మెకానిజం
- స్పేస్ వాక్స్ కోసం ఎయిర్‌లాక్‌లు, స్పేస్ సూట్స్
- అధునాతన అవియానిక్స్
- ECLSS వ్యవస్థ
భారతకు BAS ఎందుకు ముఖ్యమైంది?
- అంతరిక్షంలో వైద్య, బయాలజీ, భౌతిక శాస్త్ర ప్రయోగాలు చేయవచ్చు.
- దీని వలన ప్రపంచంలో భారత్ స్థానం మరింత బలపడుతుంది.
- వాణిజ్య అవకాశాలు మెరుగు పరచబడతాయి.భారతీయ అంతరిక్ష కేంద్రం ద్వారా స్పేస్ టూరిజంకు కొత్త అవకాశాలు లభించనున్నాయి. అలాగే ప్రైవేట్ రంగం భాగస్వామ్యం పెరుగుతూ, అంతరిక్ష రంగంలో వ్యాపార పెట్టుబడులకు విస్తృతమైన మార్గం తెరుచుకోనుంది.
- ఈ ప్రాజెక్ట్ యువతలో విజ్ఞానంపై ఆసక్తి పెంచి, విద్యార్థులు మరియు యువ శాస్త్రవేత్తలకు కొత్త ఆవిష్కరణలు, పరిశోధనల దారులు చూపిస్తుంది.
అంతర్జాతీయ స్థాయిలో BAS ప్రాముఖ్యత
ప్రస్తుతం ప్రపంచంలో అమెరికా (ISS), చైనా (Tiangong) వంటి కొద్ది దేశాలకే స్వంత స్పేస్ స్టేషన్‌లు ఉన్నాయి. BAS నిర్మాణం పూర్తయిన తరువాత భారత్ కూడా ఈ శ్రేణిలో నిలుస్తుంది. దీని ద్వారా భారత్ స్వతంత్ర పరిశోధన కేంద్రం మాత్రమే కాకుండా, ఇతర దేశాలతో సహకార పరిశోధనలకు కేంద్రంగా కూడా మారుతుంది.
ఇకపై భారత్ ఇతర దేశాలపై ఆధారపడకుండా, స్వంతంగా అంతరిక్ష మిషన్లు, ప్రయోగాలు, టెక్నాలజీ టెస్టులు నిర్వహించగలదు. ఇది భారత్‌కు జియోపాలిటికల్ పవర్ను కూడా పెంచుతుంది.
ISRO space station…
BAS తో విద్య, పరిశోధనకు వచ్చే మార్పులు
విద్యార్థులు, యువ శాస్త్రవేత్తలు నేరుగా స్పేస్ సైన్స్ పరిశోధనల్లో భాగస్వాములు కావచ్చు.
ఇండియన్ యూనివర్సిటీస్ అంతరిక్ష పరిశోధనకు ప్రత్యేక ప్రాజెక్టులను అభివృద్ధి చేయగలవు.
స్టార్ట్-అప్స్ మరియు ప్రైవేట్ కంపెనీలకు అంతరిక్ష రంగంలో కొత్త అవకాశాలు.
భవిష్యత్ ప్రయాణం
భారతీయ అంతరిక్ష కేంద్రం కేవలం ఒక ఇంజనీరింగ్ ప్రాజెక్ట్ కాదు—ఇది భారత్ యొక్క అంతరిక్ష స్వావలంబన కల. చంద్రయాన్, మార్స్ ఆర్బిటర్ మిషన్, గగనయాన్ విజయాల తరువాత ఇప్పుడు స్పేస్ స్టేషన్ నిర్మాణం ద్వారా ఇస్రో కొత్త చరిత్ర రాయబోతోంది.
2028లో మొదటి మాడ్యూల్ ప్రయోగమై, 2035 నాటికి పూర్తి స్థాయి స్పేస్ స్టేషన్ రూపుదిద్దుకుంటుంది. ఈ ప్రాజెక్ట్‌తో భారత్ అంతరిక్ష శక్తులలో అగ్రగామిగా ఎదగనుంది.