మరణిస్తున్నాను … మన్నించు నేస్తం……
– జన్మంతా నీ చెంతే బతకాలనుకున్నా,
దైవేచ్చకు తల వంచి నే మరణిస్తున్నా. . . .
కలకాలం నీ వెంటే ఉండాలని ఉన్నా,
విదికి ఎదురు తిరగలేక నే కనుమూస్తున్నా. . . .
– నిను కానని నా మనసు ఉరకలు వేస్తుంది,
కనిపించే ప్రతి వారిని ఆరా తీస్తుంది,
ఏమైనా ఈ క్షనమే కలవాలంటుంది,
నీ నేస్తం ఇక లేడని చెప్పాలంటుంది. . . .
– అడగకనే నీ ఆశలు తీర్చాలనుకున్నా,
చెప్పకనే నా శ్వాసను వదిలేస్తూ ఉన్నా. . . .
నీ కల్లల్లో కన్నీటిని తుడవాలనుకున్నా,
నీ ముందుండీ కదలలేక శిలనై పొతున్నా. . . .
– నను విడిచిన నా ఆత్మ దిక్కులు చూస్తుంది,
ఏ దిక్కున నీవున్నా తప్పక రమ్మంది,
చివరిసారి నీ నవ్వును చూడాలంటుంది,
నవ్వలేని నిన్ను చూసి ఏడ్చాలంటుంది. . . .
– వాడిపోని పువ్వునై ఉండాలనుకున్నా,
రాలిపోయి నేలపైన శిలనై పడి ఉన్నా. . . .
వీడిపోని నీడనై నడవాలనుకున్నా,
కదలలేని కాయమై ,ఓ కలనై పోతున్నా. . . .
– గతియించిన నా దేహం నీ ముందే ఉంది,
నీ స్పర్శకు నోచుకోక కన్నీరౌతుంది,
ముందుకొచ్చి ముద్దిచ్చి సాగనంపు నేస్తం,
మనసారా కౌగిలించి కలత తీర్చు బందం. . . .
– అందరాని తీరాలకు నే అడుగులు వేస్తున్నా,
నీ అందమైన స్నేహాన్ని ఆస్వాదిస్తున్నా. . . .

ఆ అందాల ఆకాశం నన్ను చూసి అసూయపడుతుంది …!
ఆప్యాయంగా పలకరించే నీలాంటి ఆప్తుడు తనకు లేడని…,
ఆ చుక్కల్లోని చందమామ నన్ను చూసి చిన్నబోతుంది …!
చిరునవ్వుతో పలకరించే నీలాంటి చెలికాడు తనకు లేడని …,
ఆ ఏడురంగుల ఇంధ్రధనస్సు నన్ను చూసి నివ్వెరపోతుంది …!
ఎల్లప్పుడూ వెంట ఉండే నీలాంటి స్నేహితుడు తనకు లేడని …,
అందుకోలేనేమో ఆ ఆకాశాన్ని ,
అనుభవించగలను ఆ ఆనందాన్ని ,
అభిమానిస్తూ ఆమోఘమైన నీ స్నేహాన్ని…!!
చుట్టిరాలేనేమో ఆ చందమామని ,
చూడగలను ఆ చుక్కలలోకాన్ని,
ఆస్వాదిస్తూ చల్లనైన నీ చెలిమిని …!!
తాకలేనేమో ఆ ఇంధ్రధనస్సుని ,
శోధించగలను రంగురంగుల ప్రపంచాన్ని ,
సంతోషంతో సాగిపోతున్న నీ సావాసాన్ని…!!
కమనీయమైన నీ రూపాన్ని,
నా కనుపాపలలో దాచి,
కలకాలం కొలువుంచాలనుకున్నాను…!
కానీ కనిపించని కలయేదో వచ్చి,
నా కన్నీటితో దానిని తీసుకుపోయింది …!
మధురమయిన క్షణాలను,
మరపురాని జ్ఞాపకాలుగా,
నా మనసులో ముద్రించాలనుకున్నాను …!
కానీ మూగబోయిన మది భావం ,
మాటలురాక మౌనంతో వాటిని మోసుకుపోయింది…!
సరదాసరాగాల నీ స్నేహాన్ని,
సంతోషంతో సాగించాలనుకున్నాను…!
కానీ కరిగిపోతున్న కాలం ,
ఆ బంధాన్ని గతంగా తుడిచిపెట్టింది…!
వెక్కిరిస్తుంది ఈ వింతకాలం…
నేను ఒంటరినని…!!!
తనకు తెలీదేమో మరి…
నీ ప్రాణం నా చెంతనుండగా…
నేనెలా ఒంటరినౌతానని…!!!
తెలుసుకుంటుందా ఆ విషయం…!
మనమిద్దరమైనా మన ‘ప్రాణ’స్నేహం ఒకటేనని….