Tenali Ramalinga Stories in Telugu-తెనాలి రామలింగడి కథలు తెలుగులో
Contents
తెనాలి రామలింగడి కథలు తెలుగులో…
Tenali Ramakrishna stories in Telugu
రామలింగడి కథ…
తెనాలి రామలింగడుగా ప్రసిద్ధి చెందిన తెనాలి రామకృష్ణుడు విజయనగర సామ్రాజ్యానికి చెందిన కృష్ణదేవరాయల ఆస్థాన కవి. ఈయన తెలుగు భాషలో చమత్కారానికి , ఆకట్టుకునే కవిత్వానికి ప్రసిద్ధి చెందాడు. రామకృష్ణను ‘వికటకవి’ అని పిలిచేవారు మరియు విజయనగర ఆస్థానంలోని అష్టదిగ్గజాలలో ఒకరు. ఈయన తెలుగు, మరాఠీ, తమిళం మరియు కన్నడ వంటి అనేక భాషలలో గొప్ప పండితుడుగా పేరుపొందారు.
రామకృష్ణ పదహారవ శతాబ్ద ప్రారంభంలో ఆంధ్ర రాష్ట్రంలోని ఒక గ్రామంలో జన్మించారు. ఈయన చాలా చిన్న వయస్సులోనే తండ్రిని కోల్పోయారు. ఒక రోజు, రామకృష్ణ ఒక సాధువును కలుసుకున్నారు, ఆయన కాళీ మాతను ప్రార్థించమని సలహా ఇచ్చారు. రామకృష్ణుడు సాధువు సూచించినట్లుగా పదకొండు కోట్ల పదకొండు సార్లు మంత్రాన్ని పునశ్చరణ పూర్తి చేసిన వెంటనే, కాళికా మాత వెయ్యి ముఖాలతో ప్రత్యక్షమైంది. రామకృష్ణ దేవిని చూడగానే ఆమె పాదాలను తాకి నవ్వారు. ఆ నవ్వు కాళికాదేవికి కుతూహలం రేకెత్తించింది. రామకృష్ణను ఉద్దేశించి నీకు నవ్వు తెప్పించిన విషయాన్ని వివరించమని ఆదేశించింది.
More…
“మాతా! మాకు జలుబు వచ్చినప్పుడు, ఒక్క ముక్కును తుడుచుకోవడానికి రెండు చేతులు సరిపోవని అనిపిస్తుంది. మీకు ఒకవేళ జలుబు చేస్తే, మీ వెయ్యి ముక్కులు తుడవడానికి మీ రెండు చేతులు సరిపోతాయా? ఈ ఆలోచన నాకు నవ్వు తెప్పించింది, నా ఆలోచన నీకు కోపం తెప్పించి నట్లయితే నన్ను క్షమించు, నన్ను క్షమించు.” అంటూ రామకృష్ణ మళ్లీ ఆమె పాదాలపై పడి లేచి నిలబడ్డాడు. బాలుడి చిరునవ్వు మరియు హాస్యం కాళికాదేవిని సంతోషపెట్టాయి. ఆమె అతనిని గొప్ప హాస్యాస్పదుడిగా పేరు తెచ్చుకొని ప్రజలను నవ్వించేలా దీవించింది. కాబట్టి ఈయన అన్ని అభ్యాసాలలో ప్రావీణ్యం సంపాదించాడు మరియు గొప్ప హాస్యరచయిత, హాస్య కవి రామకృష్ణగా ప్రసిద్ధి చెందారు. ఇది తెనాలి రామకృష్ణుని గురించి ప్రాచుర్యంలో ఉన్న కథ.
Tenali Ramalinga stories in Telugu
రామలింగడు మరియు దొంగలు
ఒకప్పుడు విజయనగరం సామ్రాజ్యంలో చాలా దొంగతనాలు జరుగుతూ ఉండేవి. రాజుగారు రాజ్యంలో ప్రజలందరూ చాలా అప్రమత్తంగా ఉండాలని అప్పుడే దొంగల బారి నుంచి రక్షించుకోగలమని ప్రజలందరికీ విజ్ఞప్తి చేశారు.
ఒకరోజు రాత్రి తెనాలి రామలింగడు నిద్రపోయే ముందు తన ఇంటి పెరట్లో ఉన్న చెట్లు పొదల్లో ఇద్దరు దొంగలు ఉండడం చూశాడు వారికి ఎలాగన్నా బుద్ధి చెప్పాలనే ఉద్దేశ్యంతో.. తన భార్య దగ్గరికి వెళ్లి గట్టిగా మన ఊర్లో చాలామంది దొంగలు ఉన్నారు కదా వారి నుంచి మన నగలను కాపాడుకోవాలంటే మనం నగలు అన్నీ పెట్టెలో పెట్టి జాగ్రత్తపరచాలి అని చెప్పి ఒక పెట్టను రామలింగడు ఆయన భార్య తీసుకువచ్చి దొంగలు చూస్తుండగా బావిలోకి విసిరేసి వాళ్ళు వెళ్లి తలుపులు గడిగపెట్టుకొని నిద్రపోయారు.
More…
>>>>>>>>>ఆ ఇద్దరు దొంగలు నగలను తీసుకుందామనే ఉద్దేశ్యంతో అవి కనబడక రాత్రంతా బావిలో ఉన్న నీరంతా తోడుతూ ఉన్నారు. తెల్లవారేసరికి నిద్రలేచిన తెనాలి రామలింగడు వారి దగ్గరికి వచ్చి చాలా కృతజ్ఞతలు.. మీ వల్ల మా తోటలోని మొక్కలు అన్నిటికీ నీళ్ల అందాయి కానీ మీరు గమనించవలసిన విషయం ఇంకోటుంది మేము బావిలో పడవేసిన పెట్టలో ఎటువంటి నగలు లేవు అని చెప్పాడు.
తెనాలి రామలింగడి తెలివికి ఆశ్చర్యపోయిన దొంగలు సిగ్గుతో ఆయన కాళ్ళ మీద పడి ఆయనను క్షమించమని అడిగారు. అప్పుడు రామలింగడు ఇంకెప్పుడూ దొంగతనాలు చేయకుండా సరైన మార్గంలో బతకండి అని వాళ్ళని మందలించి విడిచిపెట్టాడు.
మంత్రి క్షురకుడు
రాజు గారి ఆస్థాన క్షురకుడి ఉన్న ఏకైక పని రాజు కృష్ణదేవరాయకు రోజూ క్షవరం చేయడమే. ఒకరోజు అతను తన పని చేయడానికి వచ్చినప్పుడు, రాజు ఇంకా నిద్రలో ఉన్నారు. అయినప్పటికీ అతను నిద్రపోతున్న రాజుకు జాగ్రత్తగా నిద్రకు భంగం కలగకుండా క్షవరం చేసాడు. కృష్ణ దేవరాయలు నిద్ర లేవగానే, నిద్రిస్తున్న తనకు ఏమాత్రం ఇబ్బంది కలగకుండా క్షవరం చేసిన మంగలి నైపుణ్యానికి సంతోషించాడు.
మంగలిని పిలిచి తనకు నచ్చినది ఏదైనా అడగమని చెప్పాడు. దానికి అతడు, “మహారాజు, నేను మీకు రాజసభలో మంత్రిగా సేవ చేయాలనుకుంటున్నాను” అన్నాడు. రాజు మంగలి కోరికకు అంగీకరించాడు.
>’మంగలి మంత్రి ‘ వార్త చుట్టుపక్కల వ్యాపించడంతో ఇతర మంత్రులు ఆందోళనకు గురయ్యారు. చదువుకోని వ్యక్తి మంత్రి పదవిని దుర్వినియోగం చేసే అవకాశం ఉందని వారు భావించారు.
ఆ సమస్య ఏలాఅయినా పరిష్కరించాలని తెనాలి దగ్గరకు వెళ్లారు. తెనాలి వారికి అండగా ఉంటానని హామీ ఇచ్చాడు.
మరుసటి రోజు రాజు నది ఒడ్డున వెళ్ళినప్పుడు, తెనాలి నదిలో నల్లకుక్కకు స్నానం చేయిస్తూ ఉండటం చూసి ఆశ్చర్యపోయాడు.
ఏం చేస్తున్నావ్ ? అని రాజు అడగ్గా,
తెనాలి, “మహానుభావా, ఒక మంగలి మంత్రి పదవిని పొందినట్లే నల్లకుక్కను గట్టిగా కొట్టి తెల్లగా మార్చడానికి ప్రయత్నిస్తున్నాను.” అని జవాబిచ్చాడు.
అది విన్న రాజుకు తెనాలి ఏ ఉద్దేశ్యంతో అంటున్నాడో గ్రహించాడు. ఆ రోజు సభలో, రాజు మంగలికి పలు బహుమతులిచ్చి సత్కరించి అతనిని మంత్రి పదవినుండి తొలగించి తిరిగి తన ఆస్థాన క్షురకుడిగా నియమించుకున్నాడు.
అత్యాశకు ఒక పాఠం
కృష్ణదేవరాయల తల్లి చాలా సనాతన ధర్మం పాటించే స్త్రీ. ఆమె అనేక పవిత్ర స్థలాలను సందర్శించింది, మతపరమైన ఆచారాలను నిర్వహించింది; ఆమె దాతృత్వంలో గొప్ప మనస్సు కలిగివుండేది. ఒకసారి ఆమె దానధర్మాలలో ఫలాలను ఇవ్వాలనుకుని తన కుమారునికి తెలియజేసింది. తన తల్లిని అమితంగా గౌరవించే కృష్ణదేవరాయలు వెంటనే రత్నగిరి నుండి రుచికరమైన మామిడిపండ్లను తెప్పించాడు. అయితే ఆ పండ్లను బ్రాహ్మణులకు సమర్పించాల్సిన శుభదినాన రాజు తల్లి మరణించింది.
ఆమె మరణంతో సంబంధం ఉన్న మతపరమైన ఆచారాలు చాలా రోజుల పాటు కొనసాగాయి. ఇంతలో రాజు కొంత మంది బ్రాహ్మణులను పిలిచి, “బ్రాహ్మణులకు మామిడిపండ్లు నైవేద్యంగా పెట్టాలనేది మా అమ్మ ఆఖరి కోరిక. అయితే ఆ కోరిక తీరకముందే ఆమె మరణించింది. ఫలాలు ఇచ్చినంత పుణ్యం రావాలంటే నేనేం చేయాలి? ” అన్నాడు.
అత్యాశతో ఉన్న బ్రాహ్మణులు ఇలా సమాధానమిచ్చారు: “మహానుభావుడా, మీరు బ్రాహ్మణులకు బంగారంతో చేసిన మామిడిపండ్లను సమర్పిస్తేనే మీ తల్లి ఆత్మకు శాంతి చేకూరుతుంది.” అని అన్నారు.
ఈ విషయం రామకృష్ణకు తెలిసింది. మరుసటి రోజు అతను ఆ బ్రాహ్మణుల ఇళ్లకు వెళ్లి, తన తల్లి ఉత్సవాన్ని నిర్వహించడానికి పక్కనే ఉన్న తన ఇంటికి రమ్మని చెప్పాడు. రాజుగారి నుంచి బంగారు మామిడి పండ్లను స్వీకరించి బ్రాహ్మణులు రామకృష్ణ ఇంటికి వచ్చారు.
రామకృష్ణ సేవకులు ఇంటి తలుపులన్నీ మూసేశారు. వారు ఎర్రగా వేడిచేసిన ఇనుప కడ్డీలు తెచ్చి బ్రాహ్మణుల ముందు నిలబడ్డారు. అది చూసి బ్రాహ్మణులు అవాక్కయ్యారు.
Tenali Ramalinga stories in Telugu
>>>>>>>>>అప్పుడు సేవకులు రామకృష్ణ తల్లికి మోకాళ్ల నొప్పులు ఉన్నాయని, దానికి చికిత్సగా ఆమెను ఎర్రటి కడ్డీలతో కాల్చమని వైద్యులు చెప్పారు కానీ ఆ పనిచేసేలోపే ఆమె చనిపోయింది. కాబట్టి ఇప్పుడు రామకృష్ణ ఆమె కోరికను నెరవేర్చాలనుకుంటున్నాడని ఆమె బదులు మీకు మోకాళ్లపై వాతలు పెట్టాలి అనుకుంటున్నాడని చెప్పారు.
అందుకు బ్రాహ్మణులు రామకృష్ణ తమ పట్ల అన్యాయం చేస్తున్నాడని తమని ఇబ్బంది పెట్టాలావున్న ఇటువంటి ఆచారం ఎక్కడా లేదని వాపోయారు . అందుకు రామకృష్ణ మరి రాజు నుండి బంగారు మామిడి పండ్లను తీసుకొనే వంటి ఆచారం ఎక్కడవుందని బ్రాహ్మణులను నిలదీసాడు. విషయం అర్థం చేసుకున్న బ్రాహ్మణులు తమ తప్పు తెలుసుకొని రాజుగారిచ్చిన బంగారు మామిడి పండ్లను రామకృష్ణుని ఇంట్లో వదిలి వెళ్లిపోయారు.
More kids stories…
Top 10 Telugu moral stories for kids
చిలుక జోస్యం:story with pictures